Qazirge Eýrazııalyq bankte altyn quımalaryn satý geografııasy – Astana, Almaty, О́skemen jáne Atyraý qalalaryn qamtıdy.
Baǵdarlamaǵa qatysatyn altyn quımalary Qazaqstan teńge saraıynda jasalǵan jáne tórt túrde usynylǵan: 10, 20, 50 jáne 100 gramm. Ár quıma mehanıkalyq zaqymdanýdan aýlaq bolýǵa kómektesetin arnaıy toǵanaqqa salynǵan. Quımalarda jáne toǵanaqta qorǵanysh elementter bar jáne olar aktıv sapasynyń sertıfıkaty bolyp tabylady. Toǵanaq tutastyǵy quımalar qunynyń saqtalýyna kepil bolyp tabylady.
Altyn quımalaryn bulaısha ınvestısııa quraly retinde paıdalaný artyqshylyqtarynyń biri – banktiń klıentke «kúnbe kún» aqshany tóleýiniń alǵashqy talabyn oryndaıtyn, halyqtan altyn quımalaryn satyp alý mindetin qamtamasyz etetin, boljaldy joǵary ótimdiligi.
«Ulttyq Banktiń bul baǵdarlamasy – elimizdiń qarjy sektorynyń bolashaq damýy men halyqqa kórsetilip júrgen qarjy qyzmetteriniń alýan túrliligin arttyrýǵa baǵyttalǵan mańyzdy qadam. Naryqtyń qazirgi konıýktýrasyn jáne sarapshylar qaýymy tarapynyń altyn baǵasynyń ósýine boljaldaryn eskersek, retteýishtiń bastamasy óte der kezinde ekenin baıqaımyz. Altynǵa qarjy salý – jınaqtaryńyzdy valıýtalyq baǵamdardyń aýytqýlarynan jáne qunsyzdanýdan saqtaýdyń senimdi ádisi ári uzaq merzimdi keleshekte ol asa joǵarǵy tabys alý quraly da bola alady. Bir qýantarlyǵy, ol osy qorǵanysh aktıvke qarjy salý endi jeke qarajat salýshylarǵa da qoljetimdi bolyp», – dedi «Eýrazııalyq bank» AQ Basqarma Tóraǵasy Pavel Logınov.
Aınash Esalı,
«Egemen Qazaqstan».
Almaty
